Zerain-Mutiloako Errekalde auzoko saneamendu lanak bukatu dira, eta emaitza ona izan da zentzu guztietan. Guztira 2.000 ml-tik gorako saneamendua egin da PVCzko 315 hoditeriarekin, eta adarren bidez auzo horretako baserri guztietara lotu da. Horrela, Europak hirigune txikientzat ezartzen dituen jarraibideak betetzen dira, gure ibaien zati askotan oraindik ez baitira betetzen Europako erakundeek emandako “kalitate oneko” helburuak. Horregatik dira hain garrantzitsuak halako saneamendu-obra txikiak gure ibaien erabateko ingurumen-berreskurapenerako.